عين على سوريا

عنصرية!

من الحاج درويش..
إلى الشعب اللي بيستاهل الحرق..
أما بعد:

قال شو؟؟؟!!
زعلان لأن اللبناني بيعامل النازحين السوريين بعنصرية ولئامة..
على أساس إنت بتعامل النازحين اللي عندك أحسـن ؟؟..

دخلك شو بتفرق إنت عنو بالعنصريةو شوفة الحال على الفاضي؟؟
شايف حالك عالكبير فيهم قبل الصغير
ونازل عليهم بمنشوراتك السخيفة على الفيسبوك..
طبعاً غير النكات السمجة اللي مابتضّحك أبداً..
والتعليقات على لهجتهم وعاداتهم..
وطريقة لبسهمو احياناً أسماءهم..
مرّة بتتهمهم إنهم سرقوا منك فرص العمل..
مع إنك عواطليو كسولو متواكل
وسعرك بسوق الغلا مابيسوى ليرة..
ومرّة بتديق عينك وبتنبعص لو شفتهم مبسوطين شوي..
أو عم يقضوا شوية أوقات سعيدة
سواء على البحر أو بالحديقة..
وبتعبّر عن غضبك لوجودهم معك..
ولازم تكمل إنبعاصك بعبارتك الزنخة:
عبّيتوا البلد..
وما عندك جنس الإحساس إنو النازح
كان متلو متلك عندو بـيتو سيـارة
وأحـلامو طـمـوحـات..
بس حظو الخرى إنو اتدمرت أحلامو
بالحرب.. واضطر ينزح لمدينة تانية
فيها إخوات شرموطة متلك..

ولاتفكّر إنك لوحدك..
أووووووه.. فيه من سلالتك كتير..
مفتكرين إنو الله خلقهم وكسر القالب

بكل محافظة أو طائفة
أو حتى منطقة وحارة..
لازم نلاقي من أشكالك..

ناس ما اختلف وضعهم قبل وبعد..
ولا غيّرت فيهم كل الأحداث الدامية
والمعارك الحامية والدمار الشامل
أي تراث غبي معشش بدماغهم..

حاسس إني عم بالغ.. صح؟..
بتتذكر نظريات المجتمع السوري؟..
الإدلبي (بيلحق ولاد)..
الشامي بخيلو نصاب..
الحلبي سئيلو دفش..
الديري جاية من ورا البقر..
الحمصي مجنون..
والعلوي عندو عيد بيطفي فيه الإضاءة وبينط كل واحد عالتاني..
والسني بيبعت مرتو على جهاد النكاح..
والمسيحي عندو بار صغير ببيته
وعادي عندو تصاحب أختو
والدرزي بيعبد البقرة
والإسماعيلي بيعبد “تبع” المرأة
(مع إنو كلنا واقعياً منعبده بطريقة أو بأخرى)..
والمضحك إنو كل واحد من هدول
بينزعج لما بيسمع إنو التاني بيتمسخر عليه وبيتهمو إتهام باطل..
مع إنو هو بيعمل نفس الشي..

غير تنظيرك على بقية شعوب الأرض
وانتقادك الفارغ لأي حضارة تانية..

المصري بتقول عنو حشاش..
مع إنك كمان حشاش وفوق منها سكرجي
ومسبّة الله ما بتنشال من تمّك..
والأردني بتتهمو بالزناخة..
مع إنو بلدنا انتجت أزنخ أهل الأرض..
ومهرجين التيكتوك أكبر دليل..
والخليجي بهيمو جحش..
مع إنو معمل البهايم موجود عنا..
والفلسطيني باع أرضه وقضيته..
وهاجر على اوروبا..
مع إنو نص شعبنا عمل نفس الشي..
وقال شو؟؟ العراقي عنيف وطائفي..
هههههههه ضحكتني من قلبي..

و الهندي اللي عملت منو شعار للغباء
صار عندو اقمار صناعية وقنابل نووية
وإنت اكتر شي عرفت تصنعو
هو علكة منطاد..و محارم القطة..
و كنادرو فوط نسائية

لك حتى الأوروبي اللي بدك سنين
لتوصل للي وصلو..
دورت على عيوبو مالقيت..
قمت لزقت فيه تهمة الإنحلال الاخلاقي
مع إنو شعوبنا بتمارس نفس الإنحلال
بس تحت الدرج.. أو بين الشجر..

وآخر شي بتزعل من اللبناني
إذا مارس عنصريته الفارغة على النازح السوري؟؟..

روح لك عمي خليك بمصايبك وبلاويك
وحاجة كل يوم والتاني تصرعني
بشعاراتك السخيفة..
وغرورك اللي ماله أي شي يستند عليه

وكل ماجيت تتنمّر وتتمسخر على نازح أو غريب أو فقير أو شعب تاني
تذكر إنو الدنيا سلفو دين ..
واللي بلدو من إزاز..
لا يضرب بلاد الناس بحجارو..

تحياتي..
الحاج درويش..
من أمام فرن الدولة..
ناطر ياخد ربطة خبز..

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى